Бай-Тайга кожууннуң модельдиг ном саңынга ноябрь 15-те Россияның Иелер хунунге тураскаадып
, Тээли сумузунуң уран-талантылыг, ус-шевер келиннериниң аразынга «Төлептиг келин -2022» деп төгерик ширээни сумунуң херээженнер чөвулели (даргазы Куулар А.М), модельдиг ном саңының ажылдакчылары ( директору Салчак А.Д) база Бай-Тайга кожууннуң ЗАГС килдизи (даргазы Хертек Н.С-Д) бедик деңнелге эрттиргеннер. Төгерик ширээни эрттирип турар кол сорулгавыс болза,
- тыва чонувустун келин кижини аал-аймаанга ижиктирип, хундулеп көөру, келин кижиниң эки талаларын улам сайзырадып, келин кижи база келген аал-аймаан, чуртун хундулеп чоруур деп ёзу-чанчылды уламчылап сагывышаан, чонга угаадыры бооп турар.
Төгерик ширээге республиканың кожуунарындан келин болуп келген 8 келиннер идепкейлиг киришкеннер.
1. Салчак Марина Окпан-ооловна, 70 харлыг, хөй чылдарда В.Б.Кара-Сал аттыг Тээли ортумак школазынга математика башкылап ажылдап чораан, амгы уеде хундулуг дыштанылгада, ырлаар-самнаар, дааранырынга ынак. Хундулуг башкының амыдыралда эн кол чедиишкиннери:
-дээди эртем-билиг чедип алганы;
-аныяк назынындан эгелээш, бо хуннерге чедир өөнун ээзи-биле кады демниг чурттап чорууру, чонунга улегерлиг болуп «Ынакшыл болгаш шынчы чорук
дээш» деп медаль болгаш янзы-буру хөй хүндүлел бижиктер-биле шаннатканы;
- уйнуктарының чедиишкиннери;
-ынак кырган-ава,кырган-ача болганы;
-Оглунуң уруу Кызылдың 15 дугаар лицейин алдын медаль-биле доосканы.
Ооң ынак кузелдери: Чараш черлерже арыг агаарга барып аржаан-хөлдерге дыштаныры, делегейниң онзагай черлерин сонуургап көөру.
2.Таргын Уран Монгушовна, улу чылында төруттунген, 58 харлыг, Чөөн-Хемчиктиң Чыраа-Бажы чурттуг, Дамба Хуреш-оол аттыг уругларның уран-чуул школазының директору, культура адырында хөй чылдарда уре-туңнелдиг эки ажылдап чоруур төлептиг, эрес-кежээ келин. Ол ажылындан ангыда, огород тарып өстуреринге улуг сонуургалдыг, холу чемзиг, мал-маганны, дагаа, кастарны өстуруп, ажы-төлун эрес-кежээ кылдыр кижидидип чоруур улегерлиг келин.
Олар өг-булези-биле аян-чорук чоруурунга ынак, кузели - даштыкы чурттарны сонуургап, барып дыштаныры. Бодунун кылганы амданныг чаагай блиныларын төгерик ширээниң киржикчилеринге эккелгени кайгамчык болган. Ол "Үлегерлиг келин -2022" деп атка төлептиг болган.
3.Ногай Энза Сарыг-ооловна, 47 харлыг, Улуг-Хемниң Шагаан-Арыг чурттуг, культура эргелелинин экономизи, ырлаар, самнаар, спортка ынак (хуреш, чадаг чарыш), өөр-өнер кунчугларлыг, эптиг-демниг беглерлиг болганынга чоргаарланып чоруур, шудургу, ажыл-ишчи, уран-талантылыг төлептиг келин. Ол "Талантылыг келин" деп атка төлептиин көргүскен.
4. Очур-оол Алёна Хевек-ооловна, 42 харлыг, Чөөн-Хемчик чурттуг, кожууннуң чагырга чериниң спецализи, топтуг-томаанныг, ажылчын-кежээ, ажы-төлунун ынак авазы, кунчуундан изиг хан аштап өөренип алганын, чаагай чанчылдарга ооредип каанын сактып, чугаалаан. ( номинация "Бүдүштуг келин")
5.Салчак Ангыр Алиевна, 30 харлыг, Сут-Хол чурттуг, чагырга черинде специалист. Амыдыралында ооң кол чедиишкиннери: 2 дээди эртемни ооренип алганы база амгы уеде юриспруденция талазында өөренип турары, ынак эштиг, ажы-төлдуг, ажыл -агыйлыг чорууру. (Номинация. "Бүдүштуг келин)
6.Ооржак Виктория Даниловна, 27 харлыг, Сут-Хөл кожуундан келген, кожууннуң модельдиг библиоткеазының библиотекары, ол ырлаарынга, танцылаарынга ынак, мал-маганга сундулуг. Кол чедиишкиннери - бергелерге торулбайн, эртем-билигни чедип алганы, амыдыралдың өзээ болур өг-булени тутканы, ынак эштиг, ажы-төлдуг болганы. Кунчуун авазынга домейлеп чоруурун чоргаарланып чугаалаан. Ажыл-ишчи, тура -соруктуг, уян сеткилдиг. Ол "Чечен-мерген келин -2022" деп атты чаалап алган.
7.Саая Айрана Омаковна, 27 харлыг, Бай-Тал чурттуг, муниципалдыг бюджеттиг мергежил угланыышкынныг немелде өөредилге төвүнде директорнуң кижизидилге талазы-биле оралакчызы болуп ажылдап турар, аныяк башкы. Ол аргыыр, даараныр, амданныг аъш-чем кылырынга, ногаа тарыырынга сундулуг. Эн ынак чеми -лагман. Ооң кол чедиишкиннери - эртем-билиг чедип алганы, ынак эштиг, ажы-төлдуг, өг-булелиг болганы, өөреникчилериниң делегей чергелиг чедиишкиннери, аас-кежиктиг чурттап чорууру. Кузели - ажы-төлун торээн чуртунун төлептиг кижилери кылдыр өстуруп, кижизидери, эртем-билигге чедирип алыры. Кунчуунуң дугайында онзагай мактал-сөстерни улуг чоргаарал-биле чугаалап, олар дег төлептиг башкы болурун, өөренип алган чуулдерин коргузуп, бодунуң аргып, даараан тыва хептерин сонуургадып коргускен ус-шевер, чугаакыр келин. Бажыңынга бодунуң кылганы амданныг чаагай пирогун чөвулекчилер бөлуунге болгаш кады киржип турар киржикчилерге сонуургадып эккелгени онзагай болган.Ол бодунуң ус-шеверин көргузуп, кожуун чергелиг төгерик ширээге киржир эргени чаалап ап, "Төлептиг келин-2022" база "Ус-шевер келин -2022" деп бедик шаңналдарга тиилекчи болган.
8.Севек Лада Салимовна, Кызыл хоорайдан келген аныяк келин, Хемчик ниити-билиг ортумак школазында төөгу башкызы, сонуургалы - уран- чуул, хол салаазы чараштаар сервис, чедиишкини- дээди зртем-билигни чедип алганы, ынак өг-бүлелиг болганы, кузелдери - туруштуг болуру, чараш бажың, машина мунар эргениң документизин холга алыры, бедик көдурлүүшкүннүг, сайзыраары. Ол онзагай кожуунда келин болуп келгенинге өөрушкүзүн улежип, "Бүдуштүг келин" деп атка төлептиг болган.
Келиннерге улуг назылыг башкылар,келиннер чагыг-сөзүн берип, боттарының эрткен амыдыралында төөгулуг чуулдерни сонуургадып, таныштырып бергеннер, а аныяк келиннер аразында бот-боттары билчип, таныжып алыр аргалыг болганнар. Кожуун чергелиг хемчегге киржир эргени чаалап алган аныяк топтуг-томаанныг келин Айрана Омаковнага чедиишкиннерни кузеп каалыңар!
#женсоветТээли
#женскоедвижениевтыве
#Бай_Тайга_Тээли
