Доктугу (Кунгаа) Александра Чамыяновна – 5 оол, 5 кыстын ынак авазы, 22 уйнуктарының эргим кырган-авазы, маадыр ие.
Александра Чамыяновна 1954 чылдын январь 30-де Улуг-Хем кожуунуң Кызыл-Даг суурга бөдүүн өг-бүлеге 3 дугаар хеймер уруу болуп төрүттүнген. Акызының, угбазының чаптанчыг дунмазы. Бичии чажындан эгелеп аргыттынып, дааранырынга ынак.
1973 чылда Булун-Терек 8 чыл школазын чедиишкинниг доозуп алган. 1974 чылда ынак эжи Доктугу Чаш-оол Кыргысовчи биле өг-бүле тудуп амыдырап чурттай бергеннер. Бодунуң чуржуларын болгаш уругларын аргыттынып, даарадып өөредип каан. “Адалыг оол томаанныг, иелиг кыс шевер” дээни ышкаш уруглары шупту шевер. Доктугу Александра Чамыяновна чүгле ажы-төлүнге эвес, Арыскан сумузунуң чонунга кайгамчык ус-шевери, топтуг - томаанныы, эрес-кежээзи - биле үлегерлиг. Хой дүгүн дыдып алгаш чеп эжер, амыдыралдың уезинге тааржыр, ажылдаарынга эптиг, аянныг, чараш хептерни даарап, аргып чоруур. Уйнуктары төрүттүнерге-ле, бир дугаар чеңи-чок (хөректээш) аргыыр. Оон соонда уктар, рейтуза, джемпер дээш, аргывас чүвези чок. Бичии-даа хостуг-шөлээн олурбас. Эртен, кежээ инек сагган соонда, ажыл-агыйын кылып каапкаш, дораан аргыттынып кириптер шевер онза кижи. Кожаларынга-даа арга-сүмезин кадып, олар-биле кады хөй ниити ажылынга киржип, ус-шеверлер мөөрейинге болгаш янзы-бүрү выставкаларга активчи киржип, шаңнал-макталдыг черлерни ээлеп чоруур. Ооң хоорган таараазы дыка чаагай. 1990 ажыг берге чылдарда суурунуң чонунуң тараазын, арбайын хооруп чораан. Ооң дээрбезинге тыва далганны ам-даа тыртып чип чоруур.
• Улуг оглу - Алдын-оол Чаш-оолович дээди эртемниг Чаа-Хол ортумак школазында куш-ажыл башкызы, ог-булелиг 3 ажы-толдуг;
• Оон бичии - Монгун-оол Чаш-оолович, хууда мал-маганын өстүрүп, малчыннап турар, ог-булелиг 3 ажы-толдуг;
• Донгак Шончалай Чаш-ооловна, дээди эртемниг, Арыскан суму баштыңы болгаш математика информатика башкызы, база амгы үеде түр үеде чагырыкчы, ог-булелиг 3 ажы-толдуг;
• Хүлер-оол Чаш-оолович, ортумак эртемниг, ачазынын соон изеп тудугжу мергежилдиг, чоннун чагыгларын күүседип, баня, бажын тудар салым-чаянныг, ог-булелиг 3 ажы-толдуг;
• Чочагай Чаш-ооловна, дээди эртемниг Каа-Хем кожууннун Сарыг-Септе библиотекарьлап ажылдап чоруур, ог-булелиг 4 ажы-толдуг;
• Салбакай Чаш-ооловна, дээди эртемниг, Кызыл хоорайда чурттап чоруур, башкы. Ог-бүлелиг, 3 ажы-толдуг;
• Даш-оол Чаш-оолович ортумак эртемниг, өг-бүлелиг 4 ажы-толдуг;
• Анай-Хаак Чаш-ооловна дээди эртемниг. Эмчилерниң курс повышение черинде методистеп ажылдап турар, ог-булелиг 2 ажы-толдуг
• Саглай Чаш-ооловна дээди эртемниг, бичии чаштарнын соок-даяк эмчизи болуп ажылдап турар. Ог-булелиг 1 оолдуг;
• Эртине Чаш-оолович дээди эртемниг, Арыскан школазында ОБЖ башкызы болуп ажылдап чоруур, ог-булелиг, 4 ажы-толдуг;
